পাখি পাখি এই মন

পাখি পাখি এই মন
পাখি লগা মোৰ মন,
পাখি মেলি যা উৰি
উৰি, পাখি মেলি যা উৰি…..
জাকি মাৰি গৈ নাম
এৰি অহা পদূলি,
বুটলি আন ল’ৰালি
উৰি, পাখি মেলি যা উৰি…..
দেউতাৰ হাঁহিৰে
আইৰ স’তে উমলি,
ৰ’দে বৰষুণে ধেমালী
আজৰি সেই আবেলি,
উৰি, পাখি মেলি যা উৰি…..
দোকমোকালিৰ মোৰ পঢ়াশালি
ইংৰাজী-অংক তপিনাত এচাৰি,
খিৰিকিৰ ফাঁকেৰে মুকুতিৰ আবেলি
ঘৰলৈ উভটি
খেলা মৰা-মৰি,
দেউতাৰ ৰঙা চকু
একে কোবে মাৰ বুকু,
পঢ়া টেবুলত
ভাগৰত টোপনি,
আইৰ নিচুকণি,
মৰমৰ বুলনি;
পাখি পাখি এই মন
পাখি লগা মোৰ মন,
পাখি মেলি যা উৰি…..
উৰি, পাখি মেলি যা উৰি;
জোনমনি ৰুণ্ জুণ্
তেতিয়া চকুত জোন,
নিভাঁজ আবেগৰ
টোপাটোপে সৰা সোণ,
সাঁতুৰি নাদুৰি
এটি এটি ৰাতি দিন,
খেলা লুকা-চুৰি
নিজকে বিছাৰো সোণ
ৰঙা-নীলা চিলা,
উৰি উৰি মনে খেলা
এতিয়া কবিতা গানৰে শলিতা
অকলে বুকুতেচকুলো বুটলি…..
পাখি পাখি এই মন
পাখি লগা মোৰ মন
পাখি মেলি যা উৰি,
উৰি, পাখি মেলি যা উৰি…..
জাকি মাৰি গৈ নাম
এৰি অহা পদূলি,
বুটলি আন ল’ৰালি,
উৰি, পাখি মেলি যা উৰি…..
দেউতাৰ হাঁহিৰে
আইৰ স’তে উমলি,
ৰ’দে বৰষুণে ধেমালী
আজৰি সেই আবেলি,
উৰি, পাখি মেলি যা উৰি…..৷

ফুল ফুলক ৰ’দৰে ফুল

ফুল ফুলক ৰ’দৰে ফুল,
হৃদয় সেউজী ধৰা
ফুল ফুলক
সূৰ্য্যমূখী ফুল প্ৰিয়তমা,
তোমাৰ খোপাত
ফুল ফুলক ৰ’দৰে ফুল…..
নাহৰ পাতত,
মেঘৰ ছাঁয়াই নাছক আজি,
মন আকাশৰ
ডাৱৰৰে ফুল ফুলক আজি,
নাহৰ পাতত,
মেঘৰ ছাঁয়াই নাছক আজি,
মন আকাশৰ
ডাৱৰৰে ফুল ফুলক আজি,
প্ৰজাপতি মেলা সপোন পাখি
মুগ্ধ হিয়াত,
ফুল ফুলক
সূৰ্য্যমূখী ফুল প্ৰিয়তমা
তোমাৰ খোপাত,
ফুল ফুলক ৰ’দৰে ফুল…..
এৰি অহা বাট ঢাকি থ…..
এখিলা শুকান সৰা পাত,
সমূখৰ প্ৰণয়ৰ শীৰ্ষ পথ
পখিলা পাখি মেলি থাক…..
বাঁহীৰ সুৰত
নিশাৰ তৰাই নাছক ৰাতি,
দুটি নয়নত
মধু জোন জ্বলক আজি,
বাঁহীৰ সুৰত
নিশাৰ তৰাই নাছক ৰাতি
দুটি নয়নত
মধু জোন জ্বলক আজি,
সূৰ্যমূখী মেলা সপোন পাহি
মোৰে হিয়াত,
ফুল ফুলক
সূৰ্য্যমূখী ফুল প্ৰিয়তমা,
তোমাৰ খোপাত…..
ফুল ফুলক ৰ’দৰে ফুল
হৃদয় সেউজী ধৰা
ফুল ফুলক
সূৰ্য্যমূখী ফুল প্ৰিয়তমা,
তোমাৰ খোপাত…..
ফুল ফুলক ৰ’দৰে ফুল…..
ফুল ফুলক ৰ’দৰে ফুল…..
ফুল ফুলক ৰ’দৰে ফুল…..

নীলা আকাশ

নীলা আকাশ, মেঘৰ আবাস,
বৰণীয়া পোহৰ এজাক,
ই ক’ৰপৰা আহি আছে !
নেজানো একোকে,
সঁচা-মিছা…..
অতি চিনাকি এজাক বৰষুণ,
নামিলেহি মোৰ চোতালতে,
অতি চিনাকি অনুভূতিবোৰ,
বাগৰ সলায় মোৰ হৃদয়তে,
মোৰ মনক জোকায়,
সেই বৰষুণজাকৰ দৰে সিও গুচি যায়,
বৰ অসহায়,
অসহায় লাগে সেই পৰতে,
বৰ অসহায়,
অসহায় লাগে সেই পৰতে কিয়?
সময় বালিৰ সোণোৱালী,
নিৰৱে তাইৰ চতুৰালি,
হাতৰ ফাঁকে সৰকি যায়,
নোৱাৰি ধৰিব…..
পাৰি জানো???
জিৰ্ জিৰ্ জিৰ্ জীৱন্ত,
চঞ্চল মনৰ নিজৰাতে,
কত হাঁহি শত অশ্ৰু,
উটি আহে উটি যায় নেদেখাকে ,
জিৰ্ জিৰ্ জিৰ্ জীৱন্ত
চঞ্চল মনৰ নিজৰাতে,
কত হাঁহি শত অশ্ৰু,
উটি আহে উটি যায় নেদেখাকে,
মোৰ মনে জানো বুজি পায়!
এই অভিনয় আঁৰে আঁৰে কোনে জুমি চায়
বৰ অসহায়,
অসহায় লাগে সেই পৰতে,
বৰ অসহায়,
অসহায় লাগে সেই পৰতে কিয়?
নীলা আকাশ, মেঘৰ আবাস,
বৰণীয়া পোহৰ এজাক,
ই ক’ৰপৰা আহি আছে?
নেজানো একোকে,
সঁচা-মিছা…..

জোনাকী ৰাতি

ক’ত এজাক, ক’ত এজাক…..
ক’ত এজাক, ক’ত এজাক…..
জোনাকী ৰাতি,
কিয়নো আহি…..
প্ৰতিটো সুৰটো ছবি আঁকিলি,
জোনাকী ৰাতি,
কিয়নো আহি…..
তোমাৰ দুচকোৱে মোক
নিশা কিয় কন্দুৱায়,
তোমাৰ মিঠা হাঁহিটিয়ে
মোক আজিও হঁহুৱায়,
তোমাৰ দুচকোৱে মোক
নিশা কিয় কন্দুৱায়,
তোমাৰ মিঠা হাঁহিটিয়ে
মোক আজিও হঁহুৱায়,
আজি নিশা জোনাকী পৰুৱাই
তোমাৰ ছবি কিয় উজ্বলায়
পাহৰিব নোৱাৰো মই তোমাক…..
ক’ত আছা তুমি আজি?
কাক চোৱা তুমি আজি?
কাৰ বাট চোৱা তুমি আজি?
কাৰ গান গোৱা তুমি আজি?
নাহিবা সপোনতে এতিয়া তুমি,
কিবা বিভীষিকা আহিছে নামি
জোনাকী ৰাতি…..
কিয়নো আহি
প্ৰতিটো সুৰটো ছবি আঁকিলি,
জোনাকী ৰাতি…..

জোনাকে বিছাৰে কি

জোনাকে বিছাৰে কি?
ফাগুণী বতাহে সুঁৱৰাই কি?
তোমাকে তোমাকে তোমাকে তোমাকে,
তোমাকে তোমাকে তোমাকে তোমাকে…..
জোনাকে বিছাৰে কি???
দোকমোকালি পুৱা কুলিৰ বিননী,
বেদনাই আহি দুচকো তিয়ায়,
বেদনাই আহি দুচকো তিয়ায়,
ডাৱৰে আৱৰে সপোন মোৰ,
বতাহে নিলে উৰুৱাই…..
জোনাকে বিছাৰে কি???
জোনাকৰে ৰাতি,
তিৰ্ বিৰ্ তৰায়ে,
কিনো মায়া সানে দুচকো যুৰি,
কিনো মায়া সানে দুচকো যুৰি,
মন মোৰ উৰি যায় দূৰণিলে,
আপোন গাঁৱৰ পদূলিলে…..
ফাগুণী বতাহে সুঁৱৰাই কি?
তোমাকে তোমাকে তোমাকে তোমাকে,
জোনাকে বিছাৰে কি?
জোনাকে বিছাৰে কি????

সপোনত আজি

সপোনত আজি,
দিঠকত আজি,
তোমাৰেই পৰশ;
সপোনত আজি,
দিঠকত আজি,
তোমাৰেই পৰশ;
বতাহত আজি,
উশাহত আজি,
তোমাৰেই পৰশ;
তোমাৰেই পৰশ সন্ধিয়াৰ আকাশত
ডাৱৰৰ আঁৰে লুকা-ভাকু খেলা
জিল্ মিল্ জোনৰ
সপোনত আজি,
দিঠকত আজি,
তোমাৰেই পৰশ;
তিৰ্ বিৰ্ তৰা জাকৰ মাজত
তোমাৰ কোমল নিবিৰ পৰশ;
ধুনীয়া সুৰ এটি,
উজাগৰী ৰাতি…..
গুণ গুণাই আছো,
নিৰৱতা ভাঙি…..
ধেমালি মন উৰি গুচি যায়,
ধেমালি মন উৰি গুচি যায়…..
বিছাৰি তোমাৰ সুৰীয়া ভাষা,
কণ্ঠৰ পৰশ,
সপোনত আজি
দিঠকত আজি,
তোমাৰেই পৰশ,
তোমাৰেই পৰশ…..
নিসংগতাৰ ৰাতিৰ
পল গণি শেষ নহয়,
কাষত তোমাক পোৱাৰ বাবে
আকূল হৃদয়…..
অবুজ কূলাহল
গুজৰি-গুমৰি মনতে ৰয়,
অভিমানৰ প্ৰাচীৰ ভাঙি
অশ্ৰু হৈ বয়…..
মনৰ এন্ধাৰ আঁতৰি যায়,
পক্ষীৰ মাতত ৰাতি পুৱায়…..
হিয়াতে আনে পুৱাৰে ৰাগে,
ন অনুভৱ…..
সপোনত আজি,
দিঠকত আজি,
বতাহত আজি,
তোমাৰ পৰশ ৷

গুণ গুণ গুণ গুণ কাণে কাণে

গুণ গুণ গুণ গুণ কাণে কাণে,
জিৰ্ জিৰ্ জিৰ্ জিৰ্ বৰষুণে,
গায় মাঁথো এই গান,
প্ৰভাতী পক্ষীৰ ধ্বনি,
আকাশে-বতাহে উৰি,
ৰিঙিয়াই ৰিঙিয়াই গায়,
অ’ অ’ অ’ অ’ অ’…..
গুণ গুণ গুণ গুণ কাণে কাণে,
জিৰ্ জিৰ্ জিৰ্ জিৰ্ বৰষুণে…..
কুলু কুলু নদী বয় কেতেকীৰ বিননীত,
গৰখীয়াৰ বাঁহীতে একেটা সুৰৰ কলি,
কুলু কুলু নদী বয় কেতেকীৰ বিননীত,
গৰখীয়াৰ বাঁহীতে একেটা সুৰৰ কলি,
দিশে দিশে মুখৰিত ছন্দ গানৰ,
শুনা মাঁথো শুনা অভিমানী প্ৰিয়া মোৰ,
দূৰণিত বহি তুমি শুনা,
অ’ অ’ অ’ অ’ অ’…..
গুণ গুণ গুণ গুণ কাণে কাণে…..
তৰাৰ আকাশতে ধ্ৰুৱতৰা জিলিকে,
নয়ন জোৰাই চোৱা কিনো বিতোপন দেখে,
তৰাৰ আকাশতে ধ্ৰুৱতৰা জিলিকে,
নয়ন জোৰাই চোৱা কিনো বিতোপন দেখে,
এন্ধাৰ-পোহৰ নীলা পুৱতিৰ সেই ক্ষণে,
আনে উৰুৱাই মলয়া বতাহে একেটা সুৰৰ ক’লি,
অ’ অ’ অ’ অ’ অ’…..
গুণ গুণ গুণ গুণ কাণে কাণে…..